Sot, më 7 Mars, shënohet Dita e Mësuesit.

Kreu i AAK-së, Ramush Haradinaj, ka theksuar se gjatë historisë, mësuesit kanë qenë shtylla kryesore në formësimin e brezave, duke mbjellë dijen dhe ndërgjegjen kombëtare.

Ai gjithashtu shprehu mirënjohjen e tij për të gjithë mësimdhënësit, duke e theksuar rolin e pazëvendësueshëm të tyre në ndërtimin e identitetit kombëtar.

“Gjatë gjithë historisë sonë, mësuesit kanë qenë shtylla kryesore në formësimin e brezave, duke mbjellë dijen dhe ndërgjegjen kombëtare. Mësonjëtorja e Korçës, e hapur më 7 mars 1887, nuk ishte thjesht një shkollë – ishte një betejë dhe një fitore për të ardhmen. Shkolla shqipe ndër dekada ishte jo vetëm vatër e dijes, por edhe themel i rezistencës kombëtare. Mësuesit tanë, në kohë të vështira e në kohë më të lehta, kanë mbajtur të gjallë shpirtin shqiptar. Mirënjohje e përhershme për gjithë mësimdhënësit për punën e tyre”, shkroi Haradinaj./Arbresh.info